Wažne informacije z internata!

Česćeni starši, lube šulerki, lubi šulerjo,

internatny team přeje wam wšěm jedne strowe a wuspěšne nowe lěto 2021!
Po wobzamknjenju nowych postajenjow sćěhuja wažne informacije za internatne přebywanje:

Momentanje wuchadźamy z toho, zo móža šulerjo 11. a 12. lětnika wot 17.01. zaso w internaće bydlić. Smy pak na dalše powažne wobmjezowanja wjazani, kotrež někotři z was hižo wot nalěća sem znaja:

  • zhromadne bydlenske rumnosće njesteja k dispoziciji (jeničce computerowa rumnosć)
  • mjezsobny wopyt we stwach njeje dowoleny.
  • W atriumje budźe komunikaciska cona zarjadowana.

Přijězd je wot njedźele, dnja 17.01. wot 18.30 hodź. sem móžny.

Zastaranje z jědźu:

11./ 12. lětnik:

Jědź je so za wšitkich wobydlerjow hač do 15.01. wotskazała. Wot 18.01. dyrbi kóždy samostatnje w interneće skazanje a wotskazanje jědźe po časach šulskeje wučby přewjesć. Prošu kontrolujće waše skazanki za januar. Přistupne daty dóstachu wšitcy z podłóžkami zrěčenja ze Sodexo. Hdyž maće prašenja prošu wobroćće so na Sodexo.
Skazanka za februar njeje hišće zapodata a dyrbi so pod wobkedźbowanjom noweho prózdninskeho tydźenja kompletnje znowa přez internet skazać.

9./ 10.lětnik:

Jědź bu hač do 05.02. přez nas wotskazana. Za čas wot 08.02. ma so jědź w interneće wotpowědnje časam presentneje wučby znowa skazać.
Kóždy, kiž chce w internaće bydlić, ma wotpowědnu skazanku jědźe předpołžić.
Warjenje w internaće njeje dowolene!

Dyrbjał so nichtó pod tutymi wuměnjenjemi za to rozsudźić, nic w internaće bydlić chcyć, prosymy staršich, nam to hnydom telefonisce abo přez mejlku zdźělić.
Kónc januara wuběži čas za naprašowanje financielneje podpěry pola Załožby za serbki lud za měsacy september, oktober a nowember! Štóž za to hišće moje podpismo trjeba, móže podłožki do internata pósłać abo nimo přinč.

Smy přez mejlku Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! abo telefonisce pod 03591/480910 k docpěću.

Z přećelnym postrowom
G.Šubertowa, internatne wjednistwo