meja / mejemjetanje
Pjatk, 04.meje su šulerjo dwanatych a pjatych lětnikow zhromadnje mejemjetanje přewjedli. Naši najwjetši postarachu so dźeń do mejemjetanja wo rjany mejski štom z wěncom. Meja bu na sportnišću stajena a w nocy wot štwórtka do pjatka stražowana. Pjatk připołdnju rejowaše potom nimale 40 porow k serbskim spěwam wokoło njeje. 18 holcow bě so serbsku narodnu drastu woblekło. Stephanie Melcherec z 5-3 (husle) a Dawid Cyž z 12. lětnika (akordeon) rejowarjow a spěwarjow na instrumentomaj přewodźeštaj. Po napřemoběhu nastachu hnydom štyri mejske pory: Bernadet Langec a Florian Kinderman (12.lětnik), Dawid Wowčer a Helena Bretšnajderec (5-1), Johannes Jatzwauk a Johanna Šmidtec (5-2) a Lucas Spahn a Emely Perez-Barro (5-3). |